Алматыдағы Назарбаев Зияткерлік мектебінің 12-сынып оқушысы Әлима Тұяқаева Айви лигасынан Пенсильвания университетіне оқуға ресми шақырту алды, деп хабарлайды “Адырна” ұлттық порталы.
ҚазАқпараттың мәліметінше, Пенсильвания университетінде қазақстандық оқушы қыз жетекші практиктер мен бизнес көшбасшыларының лекцияларын тыңдауға, нейромаркетинг бойынша инновациялық зерттеулерге қатысуға және жетекші компанияларда тағылымдамадан өтуге мүмкіндік алады.
Әлима толық қаржыландыру грантының иегері ретінде Уортон бизнес мектебінде бизнес және маркетинг мамандығы бойынша оқуды жоспарлап отыр. Бұл оқу орны АҚШ бизнес мектептері арасында бірінші орында.
Оның түлектері: Илон Маск пен Уоррен Баффет, т. б.
Қыздың анасы Әлима жастайынан бастамашылық танытып, мектептің қоғамдық өміріне белсене араласып, еріктілікпен де айналысқанын айтты.
Белгілі болғандай, Әлима үш жыл бұрын мақсат қойып, демалыссыз тер төккен.
“Адырна” ұлттық порталы
