«TEN QOGAM»: 4300-ге жуық мүмкіндігі шектеулі азаматқа қызмет көрсетілді

156

Бұл туралы бүгін Шымкент қаласының жұмыспен қамту және әлеуметтік қорғау басқармасының басшысы Балмаржан Нарбекова мәлімдеді. Ақпараттық-коммуникациялық орталығында өткен брифингте жауапты басшы Мемлекет басшысы Қ.Тоқаевтың «Халық бірлігі және жүйелі реформалар – ел өркендеуінің берік негізі» атты Қазақстан халқына Жолдауын іске асыру бағытында әлеуметтік қорғау саясатының жүзеге асырылуы мен халықты жұмыспен қамту бағыттарының ағымдағы жылдың 9 айлық көрсеткіші туралы баяндады.

«Ten qogam» әлеуметтік кеңес беру орталығы биылғы жылдың 1 шілдесінде ашылды. – Бүгінгі күнге дейін 4224 мүмкіндігі шектеулі азаматқа түрлі қызметтер көрсетілді. Атап айтқанда, санаторий-курорттық емделуге жолдама алуға өтінім бергендер саны - 2099, жолдама алғандар - 1783, «Бастау бизнес» жобасы бойынша кәсіпкерлік негіздеріне оқытуға жолданған - 1, психологтың көмегіне жүгінгендер саны - 20, міндетті гигиеналық құралдар алғандар саны -225 құрап отыр, - деп атап өтті Балмаржан Нарбекова.
Орталықта азаматтарға құқықтық кеңестер, азаматтардың сұранысы мен мүмкіндігіне қарай жұмыспен қамту шаралары, тұрғын үймен қамту мәселелеріне қатысты кеңестер беріледі. Сонымен қатар, аталған орталықта мамандардың көмегімен aleumet.egov.kz порталы арқылы өздеріне тиесілі түрлі әлеуметтік қызметтерга тапсырыс бере алады. Айта кетсек, ерекше қорғалған азаматтар үйден шықпай-ақ электрондық қолтаңбамен http://aleumet.egov.kz сілтемесі арқылы әлеуметтік қызметтерді алуға мүмкіндігі бар. Портал арқылы таңдалған тауар азаматтың үйіне жеткізіледі немесе қоймадан өзі алып кете алады.

Азамат Жаппар

Пікірлер
Редакция таңдауы
Серіктестер/Партнеры
Студия IMA - создание сайтов Доставка цветов Астана - Lova Buket