Қазақстанның Тұңғыш Президенті Нұрсұлтан Назарбаев "Qazaq. Алтын адамның тарихы" деректі фильмінде Еуроодақ пен Еуразиялық экономикалық одақтың болашақта бірігуі мүмкін екенін айтты, деп хабарлайды «Адырна» тілшісі.
«Жақын жерде Шанхай ынтымақтастық ұйымы орналасқан. Ол экономикалық, инфрақұрылымдық болып есептеледі. Кім біледі, мысалы, мен болашақта Еуразиялық одақ пен Шанхайдың бірігетініне сенер едім. Ал Еуропалық Одақ пен Еуразиялық одақ бірігіп, біртұтас болса, тіпті жақсы болар еді. Бірақ бұл қашан болатынын білмеймін»,– деді ол.
Сондай-ақ Назарбаев ЕАЭО-ның даму перспективалары бар екенін атап өтті.
«Біз, ештеңеге қарамастан, қателерді түзетіп, өзара келісіп, нағыз Еуразиялық экономикалық одақ құруымыз керек»,– деп қосты Елбасы.
«Адырна» ұлттық порталы
