Соңғы 13 жылда Қазақстанда авиациялық апаттардан 124 адам қаза тапты. Бұл туралы Көлік министрлігінің Көліктегі жазатайым оқиғаларды және оқыс оқиғаларды тергеу департаменті айтты, деп хабарлайды «Адырна» тілшісі ҚазТАГ-қа сілтеме жасап.
«Соңғы 13 жылда АА саласында 68 авиациялық оқиға тіркелген, оның 26-сы адам өлімімен аяқталып, нәтижесінде 124 адам қаза тапқан. Ал 42 оқиға адам шығынысыз өткен», – делінген хабарламада.
Ал 2024 жылғы елдің азаматтық авиациясы әуе кемелерінің қауіпсіздік жағдайын талдауға сәйкес, былтыр авиациялық апаттардан 39 адам мерт болған.
Авиациялық оқиғалардың қызмет түрлері бойынша үлесі:
Коммерциялық авиация операторлары жалпы АО санының 22%-ын (15 оқиға) құрады; Авиациялық жұмыстарды орындайтын операторлар, оның ішінде авиациялық оқу орталықтары – 76% (52 оқиға); Жалпы мақсаттағы авиация операторлары – 2% (1 оқиға).
