Үндістанның Мадхья-Прадеш штатындағы Индор қаласында екі ауызы және төрт көзі бар бұзау туылды. Жергілікті тұрғындар оны қасиетті санап, табынып жатыр, деп хабарлайды "Адырна" ұлттық порталы Стан.кз сайтына сілтеме жасап.
Ерекше жануар жергілікті фермердің үйінде дүниеге келді. Бұзаудың екі бас сүйегі, төрт көзі, екі аузы және бір жұп құлағы бар. Ол бір уақытта екі ауызымен сүт іше алады. Жануардың иелері оның дені сау деп санайды.
Жаратылысы өзгеше бұзау жергілікті тұрғындардың назарын аударды. Адамдар құдайдың кереметі деп санаған жануарға табыну үшін фермаға ағылып келуде. Олар жануардың қасына келіп, онымен суретке түседі.
"Адырна" ұлттық порталы
