ҚР Тәуелсіздігінің 30 жылдығына орай тұңғыш рет халықаралық «Halal expo 2021» көрмесі ұйымдастырылып отыр

2090
Adyrna.kz Telegram

Бұл туралы бүгін Ақпараттық-коммуникациялық орталығында өткен брифингте Қазақстан Мұсылмандары діни басқармасы «Халал Даму» ЖШС-нің директоры Айбек Аташев мәлімдеді.

– Елімізде ҚР Тәуелсіздігінің 30 жылдығына орай тұңғыш рет халықаралық «Halal expo 2021» көрмесі ұйымдастырылып отыр. Бұл шараға әлемдік және отандық кәсіпкерлер мен инвесторлар, халал индустриясындағы белді кәсіпорындар мен халықаралық сертификаттау органдары, дін қайраткерлері, мемлекеттік мекеме басшылары, зиялы қауым, сарапшылар және БАҚ өкілдері қатысады. Көрмеде зиялы қауым өкілдері мен дін ғалымдары, халықаралық сарапшылар баяндама жасайды. Сондай-ақ, үздік кәсіпорындарды ҚМДБ Төрағасы, Бас мүфти Наурызбай қажы Тағанұлы марапаттайтын болады, – деді Айбек Асқарбекұлы.

Спикердің сөзінше, тұтынушылар көрмеде халал өнімді тікелей өндірушіден нарықтық бағадан да төмен ала алады.

Айта кетейік, жәрмеңке қалалық көрме орталығында 11-12 қазан аралығында өтеді. Бұл - отандық және шет елдік кәсіпорындарға өз өнімдері мен қызметін ұсынуға мүмкіндік беретін халал индустриясындағы ең үздік көрме.

Шымкент қаласының Ақпараттық-коммуникациялық орталығы

Пікірлер