Масуд жасақтары тәлібтерді қырып салды

13001
Adyrna.kz Telegram

«Талибан» радикалды қозғалысының содырлары Панджшерге өте алмады. Бұл туралы Батыстық басылымдар хабарлаы.  Бағлан провинциясының Андароб аймағында қарсылық күштері мен тәлібтер арасында кескілескен шайқас болды. 

Қарсылық күштерін Туғрали Андароба басқарған. Ол тәлібтерден шегініп, содырларды тау шатқалына алдап әкеліп, қоршауға алған. Шайқастан 85 тәліб оққа ұшып, 7 содыр тұтқынға түскен. Масуд жасақтары 20-дан астам әскери көлік пен атыс қаруларын да олжалаған. Панджшерліктердің қолына маңызды Ховак биіктігі де өткені айтылуда.

Панджшер аймағы тәлібтерге бағынбаған жалғыз провинция болып қалуда. Талибан билігіне қарсы күштер, аталмыш аймақта күш біріктіріп жатыр.

"Адырна" ұлттық порталы

Пікірлер