Жамбыл облысының Байзақ ауданында оқ-дәрілер қоймасында болған өрт пен жарылыстан адамдардың қаза болуына байланысты 29 тамызда, жексенбі күні таңғы сағат 10:00-де еліміздің барлық мешіттерінде Құран Хатым дұғасы оқылады деп хабарлайды "Адырна" ұлттық порталы.
Бұл туралы Қазақстан мұсылмандарының діни басқармасының баспасөз қызметі мәлімдеді.
Аза тұту күні еліміздің барлық мешіттерінде жарылыс кезінде қаза болғандардың рухына бағышталып Құран Хатым дұғасы оқылады. Құран Хатым дұғасын оқу шарасы @muftiyatkz инстаграм парақшасында тікелей эфирде көрсетіледі.
Айта кету керек, қайғылы оқиғаға байланысты ҚР Президенті Қасым-Жомарт Тоқаев 29 тамызды Жалпыұлттық аза тұту күні деп жариялаған болатын.
"Адырна" ұлттық порталы.
