Синоптиктер тамыз айында ауа райының қалай болатынына болжам жасады, деп хабарлайды «Адырна» ұлттық порталы.
Болжам бойынша тамыздың басында Қазақстан аумағының басым бөлігінде ауа райы ыстық әрі құрғақ болады. Шығыс пен елдің оңтүстік-шығысындағы таулы және тау бөктеріндегі аудандарда найзағай ойнап, өткінші жаңбыр жауады.
Елдің батысында, оңтүстігінде, оңтүстік-шығысында ауа температурасы түнде +20...+25°С, күндіз +35...+42°С, солтүстікте, орталықта және шығыста түнде +15...+22°С, күндіз +30...+37°С болады.
Бірінші онкүндіктің соңына қарай найзағай ойнап, өткінші жаңбыр басталады.
Ал екінші онкүндікте республиканың солтүстік жартысына суық ауа массалары түседі. Бұл ауа райының құбылуына әкеледі: жаңбыр жауады, таулы және тау бөктеріндегі аудандарда найзағай ойнап, жел күшейеді.
«Адырна» ұлттық порталы
