Олимпиада өтіп жатқан Жапония елінің астанасы Токиода коронавирустық инфекцияның рекордтық өсімі тіркелді, деп хабарлайды"Адырна" порталы РИА Новостиге сілтеме жасап.
Жергілікті Mainity газетінің хабарлауынша тәулігіне коронавирусты жаңа жұқтырғандар саны үш мыңнан астам адамды құрады.
NHK телеарнасы өз кезегінде 2848 жаңа инфекция туралы хабарлады.
Соңғы рекорд - күніне 2520 адам - 7 қаңтарда тіркелді.
Еске салайық, Токио Олимпиадасы коронавирусқа байланысты бір жылға шегеріліп, 23 шілде мен 8 тамыз аралығында өтеді.
"Адырна" ұлттық порталы
