Баткен облысында қырғыз-тәжік шекарасында атыс болды, деп хабарлайды "Адырна" ұлттық порталы 24.kg-ге сілтеме жасап.
Оқиға 24 шілдеде таңғы сағат 10.30-да Баткен облысының Құм-Мазар аумағында болғандығы нақтыланды. Шекарашылар атып жатқан болатын.
Алдын ала ақпарат бойынша, зардап шеккендер жоқ.
Кейінірек үкіметтің Баткен облысындағы өкілетті өкілі Әбдікәрім Әлімбаев шекараның қырғыз-тәжік учаскесінде жағдай тұрақталғанын айтты.
Оның айтуынша, дәл қазір шекарада жиналған екі елдің азаматтары тарап кетті.
"Соғды облысының губернаторы Ахмадзода Раджоббамен келіссөздер жүргізілді. Екі жақтың азаматтары тарап кетеді деп келістік. Сондай-ақ, аудан әкімі мен шекара өкілдері деңгейінде келіссөздер жүргізілді. Бұған дейін тәжіктер Құм-Мазар аумағында сенбілік өткізгісі келген. Бұл біздің азаматтардың наразылығын тудырды", - деді Әбдікәрім Әлімбаев.
"Адырна" ұлттық порталы
