Чили мен Аргентина жағалауына жақын орналасқан Дрейк бұғазы аумағында бірқатар күшті жер сілкінісі тіркелді, деп хабарлайды “Адырна” ұлттық порталы Еуропа-Жерорта теңізі сейсмология орталығына сілтеме жасап.
Жұма күні таңғы уақытта алғашқы жерасты дүмпуі 7,4 магнитудамен тіркеліп, цунами қаупі жарияланған. Тұрғындар жағалаудан жедел түрде эвакуацияланды.
Сейсмологтар күні бойы 5-тен 6,4-ке дейінгі магнитудадағы 13 афтершок болғанын хабарлады. Барлық жер сілкінісінің эпицентрі 10 шақырым тереңдікте орналасқан.
Чили президенті Габриэль Борич жағдайға байланысты барлық қажетті ресурстар жұмылдырылғанын мәлімдеді.
