13 шілде күні "Талибан" ұйымының ақпарат көздері Ауғанстандағы түрік әскерлеріне қатысты арнайы үндеу жариялады.
"Түрік басшылығының шешімі біздің тәуелсіздігімізді бұзу, аумақтық тұтастығымызға нұқсан келтіру және ұлттық құндылықтарымызға қайшы болып келеді. Біз түрік басшылығынан бұл шешімнің күшін жоюды сұраймыз, өйткені ол екі елге де зияны тиетін шешім. Біз жеріміздегі кез келген өзге елдің әскерін оккупация ретінде қарастырамыз. Сондықтан басқыншылармен 2001 жылғы пәтуә бойынша күресетін боламыз, біз сол пәтуәмен 20 жыл бойы жиһад жүргізудеміз" деді "Талибан" арнайы үндеуінде.
"Талибан" Түркия өз шешімінен бас тартпаса, онда ауған жеріндегі түрік әскерилеріне соққы жасайтынын меңзеді.
Түркия бұған дейін Кабул әуежайын қорғау мақсатында әскерилері Ауғанстан жерінде қалдыратынын мәлімдеген еді.
"Адырна" ұлттық порталы
