Төрт баласы бар әйел «көпбалалы ана» емес

1781

ҚР еңбек және халықты әлеуметтік қорғау министрлігі заң бойынша көпбалалы аналар қатарына төрт баласы бар әйел адамдардың жатпайтынын орталық коммуникациялар қызметінде өткен онлайн брифингінде айтты, деп хабарлайды «Адырна» ұлттық порталы.

Әлеуметтік көмек саясатын дамыту департаментінің директоры Асқар Ниязов бүгінде халық арасында төрт баласы бар әйелдерді де «көпбалалы ана» деп айтып жүргендігі туралы сөз қозғады.

«Бізде «Отбасы және неке туралы» кодекс бар. Оның 1-бабының 17-тармақшасына сәйкес, «көпбалалы отбасы» – бұл төрт және одан да көп баласы бар отбасылар. Ал «көпбалалы ана» дегеніміз, ол 6-7 және одан да көп баласы бар ардақты аналарымыз. Олардың барлығы – «Күміс алқа» немесе «Алтын алқа» иегерлері», - деді ол.

"Адырна" ұлттық порталы

Пікірлер
Редакция таңдауы