Boeing 737 жүк ұшағы құлады

1021

Гавайи маңында Boeing 737 жүк ұшағы Тынық мұхитына құлады деп хабарлайды "Адырна" ұлттық порталы "Риа Новостиге" сілтеме жасап.

Boeing 737 жүк ұшағы қозғалтқыштағы ақаулардан кейін Гонолулу маңында суға құлаған. Азаматтық авиация басқармасы Гавайи маңында Boeing жүктерінің құлағанын растап, ұшқыштардың құтқарылып жатқанын хабарлады.

«Мен жүк ұшағы Гавайи маңында шұғыл қонуға мәжбүр болғанын растай аламын, бортта болған экипаждың екі мүшесі де құтқарылды», - деген "РИА Новостиге" АҚШ федералды авиация басқармасының баспасөз хатшысы Кристал Эссиуа.

Жергілікті Hawaii News Now телеарнасы Көлік министрлігіне сілтеме жасай отырып, Boeing ұшқыштарының бірі ауруханаға жатқызылғанын, ол әуе жолымен ауруханаға жеткізілгенін хабарлады. Суға түсер алдында экипаж қозғалтқыштардың ақауы туралы сигнал берген.

"Адырна" ұлттық порталы.

Пікірлер
Редакция таңдауы