Павлодар қаласындағы 10 қабатты үйден өрт шығып, 4 адам қаза тапты. Бұл туралы Павлодар облысының Төтенше жағдайлар департаментінің баспасөз қызметі мәлімдеді, деп хабарлайды «Адырна» тілшісі.
«2021 жылдың 9 мамырында сағат 21:02-де Павлодар қаласының Камзин көшесінен үйден өрт шыққаны туралы хабар түскен. Белгілі болғанындай, 10 қабатты үйдің үшінші қабатындағы пәтерлердің бірінен өрт шығып, жалын 56 шаршы метр аумақты шарпыған. Өрт болған жерді тексеру барысында 4 адамның денесі табылды. Пәтерден 1 әйелдің жанып кеткен денесі, есік алдында газ иісінен уланып жатқан тағы бір ер адам мен нәрестесі бар әйел адам табылды. Оқиға орнында 28 адам мен 8 техника жұмыс істеп жатыр", - делінген хабарламада.
«Адырна» ұлттық порталы
