Мина жарылып екі адам қайтыс болды

808

Волгоградта іздеушілер тобы Ұлы Отан соғысы кезінде қойылған минаны байқаусызда жарып жіберді. Соның салдарынан екі адам қаза тапты. Олардың бірі жасөспірім болды, деп хабарлайды «Адырна» ұлттық порталы tengrinews.kz сайтына сілтеме жасап.

Мәлімет бойынша, 12 адамнан тұратын орынборлық «Память» отряды Самофаловка ауылының маңында қазба жұмыстарын жүргізіп, соғыс кезіндегі оқ-дәріге тап болған.  Жарылыс болды. Салдарынан 59 жастағы ер адам мен 15 жастағы жасөспірім қаза тапты.

Алдын ала болжам бойынша, минаға қазба жұмыстары кезінде күрек тиіп кеткен.

Іздеушілер ресми түрде жұмыс істегені де хабарланды. Қайғылы оқиғадан кейін Волгоград облысының губернаторы Андрей Бочаров аймақтағы іздеу топтарының барлық жұмысын тоқтатуды бұйырды.

"Адырна" ұлттық порталы

(Фото: moigeroi.ru)

Пікірлер
Редакция таңдауы