2021 жылдың 1 мамыры - Қазақстан халықтарының бірлігі күні. Мереке аясында әлеуметтік желілерде Алматы қаласындағы түрлі этнос өкілдері арасында Абай шығармаларын мемлекеттік тілде мәнерлеп оқу бойынша бейне-челлендж іске қосылады.
Байқаудың ұйымдастырушысы - Алматы қаласы Қоғамдық даму басқармасының қолдауымен "Адырна" ұлттық этнографиялық бірлестігі" қоғамдық қоры.
Челлендж қорытындысы бойынша, үздік бейнероликтер грамоталармен және бағалы сыйлықтармен марапатталады.
Байқауға қатысу үшін Абай шығармаларынан мемлекеттік тілде үзінді оқып, оны бейнероликке түсіріп, міндетті түрде #бірлігіжарасқанел, #Абайданалығыөшпес хэштегтерін көрсете отырып, әлеуметтік желідегі парақшада орналастыру қажет.
Сондай-ақ, конкурсқа қатысуға достарын, таныстарын және басқа да ұлт өкілдерін шақыру міндеттеледі (бұл конкурс жеңімпаздарын анықтау кезінде ескерілетін болады).
Барша қазақстандықтарды қуанышқа толы жарқын мереке – Қазақстан халқының бірлігі күнімен құттықтаймыз!
