10 сәуірден бері коронавируспен күресіп, жансақтау бөлімінде жатқан, әнші, композитор Ескендір Хасанғалиев ауыр халде деп хабарлайды "Адырна" ұлттық порталы.
Бұл ақпаратты ұлы Біржан Хасанғалиев растады. Ұлының айтуынша, әкесінің жағдайы кеше түнде күрт нашарлап кеткен.
"Алдымен Құдай, содан кейін дәрігерлер мен халықтың дұғасы көмектеседі деген үміттеміз. Менің әкем өмір бойы халық деп келді. Мұндай жағдайда отандастарымыз менің әкемінің жағдай жақсарса екен деп дұға ететініне сенеміз", – деді Біржан Хасанғалиев.
Анасының халі күннен күнге жақсарып келе жатқанын да тілге тиек етті.
