Ақмола облысында киік қырылып жатыр

1915
Adyrna.kz Telegram

Ақмола облысының Қорғалжын және Целиноград ауданы аумағында 30-дан астам киіктің өлексесі табылды,– деп хабарлайды “Адырна” ұлттық порталф inform.kz- ке сілтеме жасап.

Ақмолада облыс бойынша орман шаруашылығы және жануарлар әлемі аумақтық инспекциясының басшысы Лашынтай Дүйсеновтің айтуынша, биылғы жылдың 9-наурызында «ПО Охотзоопром» республикалық мемлекеттік қазыналық кәсіпорнының орталық өңірлік филиалы инспекторлары Саумал көлінен 10 шақырым аумақтан 14 киіктің өлексесін анықтаған.

«Тексеріс барысында киіктер қалың қар мен күрделі ауа райының салдарынан шөп теуіп жей алмағандықтан аштан қырылғаны анықталды. Жануарлардың өлекселері арнайы мал қорымында залалсыздандырылды»,– деді Лашынтай Дүйсенов.

Орын алып отырған жағдайға байланысты және киіктердің жаппай қырылуын болдырмау үшін Ақмола облысының мамандандырылған табиғат қорғау прокуратурасы облыстық орман шаруашылығы және жануарлар әлемі аумақтық инспекциясына Қорғалжын, Егіндікөл, Жақсы және Атбасар аудандарының әкімдеріне киіктер жүретін аумақтардағы қарды күреуді ұйымдастыру туралы нұсқау берілген.

Пікірлер