Қазақстанда дәрі-дәрмектер тағы қымбаттады

1035

Өндірістің өсуі көмектеспей, фармацевтикалық өнімдердің бағасы былтырғы бағадан орта есеппен 10 пайызға асып түсті. Бұл туралы Energyprom.kz мониторинг агенттігі мәлімдеме жасады, деп хабарлайды "Адырна" ұлттық порталы.

Осы жылдың қаңтар-ақпан айларында фармацевтикалық өнім өндірісі 25,6 млрд. теңгеге жетті. Бұл өткен жылдың сәйкес кезеңімен салыстырғанда ақшамен есептегенде 30,4% көп. Бұл ретте өнімнің нақты өсімі 9,2 пайызды құрады.

Жалпы, 2020 жылы Қазақстанда фармацевтикалық өндіріс көлемі 138,3 млрд теңгені құраған. Бұл 2019 жылмен салыстырғанда бір жарым есе көп. Нақты өсім 47 пайызды құрады.

Агенттіктің хабарлауынша, жылдың алғашқы екі айында сектордағы өнімнің 94% -дан астамы тек 4 облыстың үлесіне тиді:

Шымкент - 7,2 млрд. теңге,

Алматы - 6,6 млрд. теңге,

Алматы облысы - 5,3 млрд. теңге, 

Қарағанды ​облысы - 5 млрд. теңге.

 ҚР Индустрия және инфрақұрылымдық даму министрлігі мәліметтері бойынша(ИжИДМ), «Химфарм» АҚ-ның Шымкент қаласында орналасқан зауыты өндіріс көлемін 3 есеге, ал Алматыда орналасқан «Нобель АФФ» АҚ - 27%-ға ұлғайтты. 

"Адырна" ұлттық порталы

Пікірлер
Ұқсас жаңалықтар