Әуе апатынан аман қалған әскери қызметкерлер есін жиды

619

Алматы облысында әуе апатынан аман қалған әскери қызметкерлер есін жиды, деп хабарлайды KTK телеарнасы.

Сағи Бейсенбеков, Алматы № 4 клиникалық ауруханасының бас дәрігері:

- Жағдайлары тұрақты ауыр, жансақтау бөлімінде жатыр. Екі науқас та есін жиды.

Апат Қызылту ауылының маңында 13-наурызда болған. Нұр-Сұлтан қаласынан көкке көтерілген Ұлттық қауіпсіздік комитеті Шекара қызметінің Ан-26 әскери ұшағы отқа оранып, Алматы әуежайының ұшып-қону жолағына жете алмай құлаған.

Әуе кемесінің бортында болған 6 адамның төртеуі оқиға орнында ажал құшты. Ал есін жиғандардың бірі – экипаж командирі Артем Аширов бұған дейін ауыр хәлде жатқан болатын. Қазір дәрігерлер екі әскери қызметкердің өмірін сақтап қалу үшін барын салып жатыр. Ал апаттың себебін арнайы комиссия тергеу аяқталған соң жариялайды.

 

Пікірлер
Редакция таңдауы