Боран салдарынан жол жабылды (видео)

978

Нұр-Сұлтанда қарлы боран қаптады. Қатты жауған қалың қар жолдарды жауып тастады,  деп хабарлайды «Адырна» тілшісі.

Қалың қар мен қатты желдің салдарынан елорда ақ түтекке айналды. Тұрғындарға дауыл туралы ескерту жарияланды. Синоптиктер желдің екпіні секундына 20 метр болатынын хабарлады.

Қазгидромет қала тұрғындарына көктайғақ туралы ескертті. Ауа температурасы қайтадан минус 7 градусқа дейін төмендеді,сезілуі минус 13 градусқа дейін.

Ақмола облысы Төтенше жағдайлар департаментінің хабарлауынша, сағат 10.30-дан бастап ауа-райының нашарлауына, жол көрінуінің шектелуіне, қатты дауылға және қалың қарға байланысты республикалық маңызы бар жол учаскелерінде барлық көлік түрлері үшін қозғалыс жабық.

Редакцияға тұрғындардан қалың қар борап жатқан бейне келіп түсті:

«Адырна» ұлттық порталы

Пікірлер
Редакция таңдауы