76 жастағы зейнеткерге қарақшылық шабуыл жасаған (видео)

696

Әлеуметтік желілерде 76 жастағы жалғызбасты зейнеткердің үйіне алдап кіріп, пышақпен қорқытып, бағалы бұйымдары мен ақшасын алып кеткен күдікті туралы ақпарат тараған еді. Өз кезегінде тұрғындар чаттар арқылы сақ болу қажеттілігі туралы хабарламалар таратқан, – деп хабарлайды «Адырна» тілшісі Polisia.kz-ке сілтеме жасап.

Атырау облысы Полиция департаментінің қызметкерлері жүргізген арнайы жедел-іздестіру іс-шаралары барысында осы қылмысты жасауға қатысы бар Махамбет ауданында туған 31 жастағы азамат ұсталды. Өз кінәсін толық мойындаған күдіктіден айғақ зат ретінде алтын бұйымдар алынды.

Айта кетейік, күдікті 14 наурыз күні сағат 08:00 шамасында жәбірленушінің үйіне заңсыз кіріп, 1945 жылы туған азаматшаны үшкір затпен қорқытып, түрлі купюралардан тұратын 14 000 теңге ақшасы мен алтын бұйымдарын алып кеткен. Келтірілген залал 114.000 теңге. Аталған дерек бойынша Атырау қаласының №2 полиция бөлімі Қылмыстық кодекстің 192-бабының 3-бөлігімен (Қарақшылық) сотқа дейінгі тергеп-тексеру жүргізуде. Күдікті уақытша ұстау изоляторына қамауға алынды. Өзге ақпарат Қылмыстық-процестік кодекстің 201-бабына сәйкес жариялауға жатпайды.

«Адырна» ұлттық порталы

Пікірлер
Редакция таңдауы