«Тақиялы періште» атанған актер дүниеден өтті

4137

Қазақ киносының алтын қорынан ойып тұрып орын алған "Тақиялы періште" кинофильміндегі Тайлақтың рөлін сомдаған актер Әлімғазы Райымбеков дүниеден өтті, деп хабарлайды «Адырна» тілшісі.

Әлімғазы Райымбеков 1936 жылы 1 желтоқсанда Алматы облысында дүниеге келген. Алғашқы еңбек жолын ауылда жүргізуші болып бастаған. 1965 жылы алғашқы «Ән қанатында» фильмінің спорттық іс-шараларына шақырту алады. 1966 жылы «Қилы кезең» фильміне түседі. 1968 жылы қазақ киносының алтын қорынан ойып тұрып орын алған «Тақиялы періште» (режиссері Шәкен Айманов) кинофильміндегі Тайлақтың рөлін сомдайды. Бұдан бөлек, «Көгілдір такси», «Қан мен тер» секілді оннан аса фильмге түскен.

«Адырна» ұлттық порталы

Пікірлер
Редакция таңдауы