Бүгін Қазақстанға Вьетнам Коммунистік партиясы Орталық Комитетінің бас хатшысы То Лам мемлекеттік сапармен келді. Оны президент Қасым-Жомарт Тоқаев елорда әуежайында қарсы алды, деп хабарлайды «Адырна» тілшісі.
«Құрметті То Лам мырза, еліміздің астанасына қош келдіңіз! Сіздің сапарыңыздың тарихи маңызы зор және Қазақстан мен Вьетнам арасындағы ықпалдастықты кең ауқымда дамытуға тың серпін береді деп санаймын. Сіздің еліңізге жасаған сапардан үлкен әсермен оралдым. Вьетнаммен түрлі бағыттағы байланысты жан-жақты нығайту тұрғысынан жұмысты жалғастыру қажет деген ойға келдім. Екі ел ынтымақтастығының әлеуеті мол»,—деді Тоқаев.
Сапар аясында шағын және кеңейтілген құрамда келіссөздер өтеді. Сондай-ақ бірқатар маңызды құжатқа қол қою жоспарланған.
