Ертең Алматыда тұмауға қарсы жаппай егу басталады - Бекшин

1216

Жандарбек Бекшин 15 қыркүйекте тұмауға қарсы жаппай егу басталатынын айтты, деп хабарлайды Stan.kz ақпарат агентігі.

"Ертең тұмауға қарсы жаппай егу басталады. Қалалық қоғамдық денсаулық сақтау басқармасы дайындық жұмыстарын жүргізді. Мысалы, былтыр әлеуметтік осал топтар үшін тұмауға қарсы екпенің 100 мың дозасы алынды. Ал биыл екпенің 130 мың дозасын сатып алдық. Сондай-ақ, біз коронавирус инфекциясына байланысты тағы қосымша тұмауға қарсы екпенің 300 мың дозасын сатып алмақшымыз. Ол қараша айында келеді", - деді ол қалалық өңірлік коммуникациялар қызметінде өткен брифингте.

Алматы қаласының бас санитары биыл тұмауға қарсы екпенің дозасы 4 есе артқанын мәлімдеді.
"Вакцинаның көлемін 4 есе көбейттік. Бұл коронавирустың жаңа толқынына дайындық деп айтуға болады", - деді қалалық тауарлар мен қызметтердің сапасы мен қауіпсіздігін бақылау департаментінің басшысы.

Пікірлер
Редакция таңдауы