Біліктілікке бір қадам

3108
Adyrna.kz Telegram

 

Жоғарғы оқу орнында білім беру процесін ұйымдастыруда магистранттар үшін тәжірибеден өту – біліктіліктерін арттыру мақсатында жасалатын маңызды қадамдардың бірі. Осы орайда әл-Фараби атындағы ҚазҰУ-дың бірінші курс магистранттары оқу жылының екінші жарты жылдығында он бес апта бойы оқу тәжірибесінен өтуде.  Төрт жыл бакалавр бөлімінде  және қосымша магистратураның алғашқы семестрлерінде жинаған білімдерін саралай отырып студенттермен жұмыс істеуге бейімделуде. Оқу тәжірибесінен өтуші магистрант реінде алғашқы апталарда дәріс және семинар сабақтарына қатысып сабақты қалай өткізу керектігі туралы тәжірибе жинасам, кейінгі апталарда өзім сабақ жүргізу арқылы барлық білімімді іс жүзінде шыңдадым. Тәжірибе барысында студенттермен белсенді жұмыс істеу үшін қажет төмендегідей мәселелерге баса назар аудардым:

  • Біріншіден, оқу тәжірибесінен өту кезінде ұғынғаным: әр білім беруші өзінің алдындағы студенттен бірнеше қадам алдыда болуы және кез келген сұрағына толық әрі нақты жауап беруге әзір болуы керек;
  • Семинар сабақтарын жүргізуде жаңа тақырып бойынша студенттің білім деңгейін анық көрсететін ұтымды әрі қызықты сұрақ қоя білу қажет;
  • Алдыңдағы әр білім алушының психикалық ерекшеліктерін назарда ұстай отырып әрқайсына индивидуалды қарым-қатынас жасауға дағдылану керек;
  • Магистранттардың жас ерекшелігіне байланысты сабақта тым еркінсіп кеткен студенттерге бірден оқу процесінің маңыздылығын ұғындыру қажет;
  • Сондай-ақ жаңа идеяларды жүзеге асыру арқылы сабақты барынша қызықты өткізуге тырысу керек;
  • Тек оқытушы ретінде ғана емес, әрі тұлға ретінде студенттерге үлгі боларлықтай қырыңнан танылу керек.

Білім беру үдерісі тәжірибе жетекшісінің қадағалауымен өтетіндіктен сабақ соңында жасалған қателіктер, көрінген кемшіліктер және байқалған артықшылықтарды жетекшінің ескертіп отыруы  кез келген магситрант үшін өте пайдалы. Себебі сол арқылы он бес аптада бір сабаққа қарағанда келесі сабақты одан да жақсырақ өткізуге талпыныс пайда болады. «Тәжірибе» деп аты айтып тұрғандай магистранттар дәріс жүргізу, семинар сабақтарын өткізу, аудиториямен қарым-қатынас жасау, сабақ сұрау, студенттерді бағалау, дұрыс сұрақ қою деген секілді көптеген мәселелер бойынша мол тәжірибе жинайды. Магистрант ретінде жаңа білім алу біліктілігіңді арттыруға, ғалым, оқытушы, жалпы мықты маман болуға жасалатын алғашқы қадам екені анық. Ал оқу тәжірибесінен өту – сол  біліміңді іс жүзінде пайдаланып, оқытушы ретінде өзіңді тексеріп, дамытып, алдыға жылжытатын тағы бір нақты әрі негізгі қадам. Себебі жаңа заман талабына сай заманауи магситрант  моделі – білімі мен білігі ұштасқан, жан-жақты шыңдалған, техниканы толық меңгеріп, біренеше тілде еркін сөйлей алатын әмбебап тұлға.

Меруерт Имангазина

Әл – Фараби    атындағы  қазақ ұлттық  университеті

           Филология   және    әлем тілдері факультетінің

                                                   1-курс  магистранты

Куратор-эдвайзері филология ғылымдарының кандидаты, доцент Л.Т.Әлімтаева

 

Пікірлер