Франция билігі 6 мыңнан астам тұтқынды босатты

1386

Франция COVID-19 пандемиясына байланысты түрмеде отырғандар санын қасқартып жатыр. Бұл туралы «ҚазАқпарат» хабарлайды.

Наурыздың 16-сы мен сәуірдің 1-і аралығында, Франция түрмелеріндегілер 6 266 адамға азайды. Мұндай игі қадамға елдің Әділет министрлігі бастамашы болып отыр.

Бұған себеп - түрмеде отырған бір адам мен надзирательдің коронавирустан қайтыс болуы. Билік өкілдері пандемия түрмені жайлап кетуі мүмкін деп үрейленіп отыр. Францияда бас бостандығынан айыру орындарында отырған адамдар өте көп. Жалпы алғанда елдің пенитенциарлық жүйесі 61 мың тұтқынды ұстауға жарайды. Ал 1 сәуірден бастап мемлекеттегі 188 түрмеде 66 309 адам отырған.

Жазаны орындау ұлттық қызметінің соңғы бағалаулары бойынша, сотталған 48 азаматтан коронавирус табылған, 925 адам оқшауландырылған, 300 адам екі апталық карантиннен шықты.

Түрмелердегі 42 мың қызметкердің 114-нен қауіпті вирус анықталды.

 

Пікірлер
Ұқсас жаңалықтар