Алматыда қатты жылдамдықпен келе жатқан мотоцикл жүргізушісі жол бойында жұмыс істеп тұрған үш жұмысшыны қағып кетті, деп хабарлайды "Адырна" ұлттық порталы.
Олардың екеуі оқиға орнында қайтыс болды.
Бұл жантүршігерлік жол апатының видеосы әлеуметтік желіде тарады.
Видеодан мотоциклдің жеңіл көлікке соғылып, жол жиегіне шығып кетіп, онда тазалық жұмыстарын жүргізіп жатқан үш жұмысшыға соғылғанын көруге болады.
Құлаған мотоцикл қаққан үш жұмысшының ішінен екі ер адам оқиға орнында қаза тапқан. Ал әйел ауруханаға жеткізілген.
Алматы полициясының мәліметінше, жол ережесін бұзған мотоцикл жүргізушісі аман қалған және қазіргі уақытта ауруханада күзетші бақылауында жатыр.
