Қазақстан азаматтарына бөтен елдің соғысына қатысқаны үшін қылмыстық жауапкершілік қарастырылғанын ескертті, деп хабарлайды “Адырна” ұлттық порталы ІІМ баспасөз қызметіне сілтеп.
Соңғы уақытта әлеуметтік желілерде шетел мемлекеттерінің Қарулы күштерімен келісімшартқа отырып, ақша табуға шақыратын жарнамалар мен бейнероликтер тарап жатыр. Министрлік бұл әрекеттердің заңсыз екенін ескертеді.
- 172-бап — егер Қазақстан азаматы шет мемлекеттің аумағында болып жатқан соғысқа немесе қарулы қақтығысқа заңсыз қатысса (жалдамалы болмаса да), 5 жылдан 9 жылға дейін бас бостандығынан айыру жазасы қарастырылған.
170-бап – егер азамат жалдамалы ретінде соғысқа қатысса, онда әрекеттің ауырлығына қарай 7 жылдан бастап өмір бойына дейін бас бостандығынан айыру, сондай-ақ азаматтығынан айыру және мүлкін тәркілеу жазалары қолданылуы мүмкін.
ІІМ азаматтарды ҚР заңнамасын қатаң сақтауға және ауыр құқықтық салдарға әкелетін әрекеттерден аулақ болуға шақырады.
