Украина бейбіт реттеу бойынша келіссөздер процесіне міндетті түрде қатысады. Келіссөздер екі форматта өтеді: бірінде АҚШ пен Ресейдің Киевсіз екіжақты арнасы болады. Бұл туралы Кремльдің ресми өкілі Дмитрий Песков мәлімдеді, деп хабарлайды "Адырна" ұлттық порталы.
Келіссөздер форматы Песковтың айтуынша, Украина келіссөздерге қатыспай қала алмайды. Сонымен қатар, Мәскеу мен Вашингтонның тікелей байланыс арнасы сақталады, оған қоса Украина мен Еуропалық Одақ өкілдері қатысатын бөлек арна жұмыс істейді.
Ресей мен АҚШ арасындағы байланыстар кеңейеді Ресей президентінің баспасөз хатшысы Дмитрий Песков Мәскеу мен Вашингтон арасындағы жұмыс байланыстары алдағы күндер мен апталарда кеңейетінін мәлімдеді.
Оның айтуынша, телефон арқылы сөйлесу кезінде Владимир Путин мен Дональд Трамп бір-бірін елдеріне сапармен келуге шақырған.
«Олар бұл шақыруларды қашан пайдаланады – оқиғалардың дамуы көрсетеді», – деді Песков. Сонымен қатар, Мәскеу АҚШ президентін 9 мамырда өтетін Жеңіс парадына шақыруға дайын екенін жеткізді.
АҚШ президенті Дональд Трамп пен Ресей президенті Владимир Путиннің телефон арқылы келіссөздерінен кейін, Financial Times сарапшыларының болжамынша, Украинада атысты тоқтату Пасхаға немесе Жеңіс күніне дейін енгізілуі мүмкін.
