Астанада аудандық әкімдіктің алдында тұрған скверден Нұрсұлтан Назарбаевтың суреті алынып тасталды. Сарыарқа ауданының баспасөз қызметі ақпаратты растады, деп хабарлайды “Адырна” ұлттық порталы.
Бұрын Сарыарқа аудандық әкімдігінің алдында экс-президенттің мұрағат ретіндегі суреттері мен басқа да саясаткерлердің суреті бар стендтер тұратын.
Баспасөз қызметінің мәліметінше, Керей, Жәнібек хандар алаңында қайта жөндеу жұмыстары басталды. Бұл елорда тұрғындары мен қонақтарының жайлылығын жақсарту мақсатында атқарылып жатқан жұмыс.
«Жаңарту аясында плакаттары бар құрылғыларды бөлшектеу жүргізіліп жатыр. Оның орнына көпжылдық жасыл алаңдары бар гүлзарлар болады, бұл экология мен жалпы эстетиканы жақсартуға ықпал етеді. Сондай-ақ, жобада қосымша жарықтандыру, сыртқы жиһазды жаңарту және үйлесімді ландшафт дизайнын жасау қарастырылған», деп жауап берді Сарыарқа ауданының баспасөз қызметі.
