АҚШ президенті Дональд Трамптың арнайы өкілі Стив Уиткофф Мәскеуде 12 сағат болып, оның 8 сағатын Ресей президенті Владимир Путиннің қабылдауын күтумен өткізді, деп хабарлайды "Адырна" ұлттық порталы.
Стив Уиткофф Мәскеуге АҚШ-тың Ресейге 30 күндік атысты тоқтату туралы ұсынысын жеткізу үшін келген. Бастапқыда оның сапары АҚШ пен Украина арасындағы Сауд Арабиясында өткен келіссөздерден кейінгі апта басына жоспарланған еді. Алайда, Путин күтпеген жерден Беларусь президенті Александр Лукашенкомен кездесу өткізіп, Уиткоффтың қабылдануын кешіктірді.
Арнайы өкілдің Путинмен кездесуі жабық есік жағдайында өтті, ал оның нақты мазмұны белгісіз. Sky News басылымы Лукашенконың Мәскеуге келуі мен АҚШ өкілінің күтілуі кездейсоқ емес деген болжам жасайды.
Келіссөздер аяқталғаннан кейін, Уиткофф Мәскеуден бірден ұшып кеткен.
