Марқұм Шерзат Полаттың қазасына қатысты сот наурыз айында басталуы мүмкін, деп хабарлайды "Адырна" ұлттық порталы Dalanews-ке сілтеп.
Бұл туралы отбасының адвокаты Саида Тәуекелова мәлімдеді.
“Іс толық зерттеліп болғаннан кейін сот уақыты белгілі болады. Менің болжамым бойынша, бұл наурызға дейін созылуы мүмкін. Өйткені бізде қылмысқа қатысы барлар көп”, – деді Саида.
Іске қатысты қазіргі таңда кінәлі деп танылған 11 адам ұсталып, уақытша ұстау изоляторына қамауға алынғаны белгілі.
Шерзаттың өлімінен соң 9 желтоқсанда марқұмның ағасы Нұрқанат Ғайыпбаев та ажал құшты. Полиция департаменті оның суицид жасағанын мәлімдеді. Оған дәлел ретінде полицейлер Нұрқанаттың туысына мессенджер арқылы жазған хатын жария етті.
"Сот-медициналық сараптаманың алдын ала болжамы бойынша, 9 желтоқсанда Талғардың шетінде табылған 30 жастағы ер адамның мәйіті өзін-өзі асу арқылы механикалық асфиксия нәтижесінде болғанын көрсетті. Денесінде зорлық-зомбылық сипаттағы белгілер жоқ. Сарапшылармен анықталған дене жарақаттары, мысалы, странгуляциялық және мойынның абразиялары асылған жіпті қолданған кезінде пайда болатын жарақаттарға сәйкес келетінін көрсетті. Барлық белгілер суицидті көрсетеді, мойынындағы зақымдану сипаты мұндай жағдайларға тән", - делінген хабарламада.
