13 сәуір күні Астана уақытымен 09:24-те Тәжікстанда 5,9 магнитудалы жер сілкінісі тәркелді, деп хабарлайды "Адырна" ұлттық порталы.
Еуропа-Жерорта теңізі сейсмологиялық орталығының (EMSC) мәліметінше, жер сілкінісінің эпицентрі Тәжікстандағы Худжанд қаласынан оңтүстік-шығысқа қарай 170 шақырымнан астам жерде және Гарм елді мекенінен 37 шақырым шығыста орналасқан. Жерасты дүмпуінің ошағы 16 шақырым тереңдікте болған.
Қазіргі таңда адам шығыны немесе қирандылар туралы ақпарат жоқ.
Аталған жер сілкінісі Қазақстанның бірқатар елді мекендерінде де сезілді. Эпицентр Алматы қаласынан оңтүстік-батысқа қарай 673 шақырым жерде орналасқан.
Қазақстанның Төтенше жағдайлар министрлігі ел аумағында жер сілкінісінің сезілгені туралы мынадай мәлімет таратты:
3 балл сезілген елді мекендер:
Мырзакент
Жетісай
Абай ауылы
Сарыағаш
Қазығұрт
Шардара
Ленгер
Сайрам ауылы
Шымкент
Манкент
Ақсукент
Тұрар Рысқұлов ауылы
Бауыржан Момышұлы ауылы
Арыс
Темірланауылы
Тараз
Сарыкемер ауылы
Аса ауылы
2 балл сезілген елді мекендер:
Құлан
Мерке
Қаратау
Шаян (Чаян) ауылы
Шәуілдір
Жаңатас
Түркістан
Қордай ауылы
Кентау
Шолаққорған ауылы
Шорнақ ауылы
Шу
Төле би ауылы
Мойынқұм
Жаңақорған
Адамдар мен нысандарға келтірілген шығын немесе зардаптар туралы ақпарат тіркелмеген.
