Сирияда Хама қаласында Рождестволық шыршаны өртегеннен кейін наразылықтар басталды, деп хабарлайды "Адырна" ұлттық порталы BBC-ге сілтеме жасап.
Әлеуметтік желілерде жарияланған бейнемазмұнда бетперде киген содырлар христиандар көп тұратын Сукайлабия қаласының алаңында Рождестволық шыршаны өртеп жатыр.
Башар Асадтың билігін құлатқан көтерілісті басқарған Сириядағы жаңа үкімет өрт қойғандардың шетелдік содырлар екенін мәлімдеп, шыршаның жақында қайта қалпына келтірілетінін айтты.
Мыңдаған наразылық білдіруші бүкіл ел бойынша көшеге шығып, жаңа үкіметтен діни азшылықтарды қорғауды талап етуде.
