Алматы облысының әкімдігі марқұм Шерзат Болаттың отбасына баспаналы болуға көмектесетінін айтты, деп хабарлайды “Адырна” ұлттық порталы.
Әкімдік марқұмның отбасының баспанасын қалпына келтіруге көмектесетін болды.
"Алматы облысының әкімдігі Шерзат Болаттың отбасына өрттен зардап шеккен үйлерін қалпына келтіруге көмектеседі. Сонымен қатар қалпына келтіру жұмыстары кезінде оларға уақытша баспана беріледі", – делінген хабарламада.
Одан бөлек, ПД Instagram-дағы ресми парақшасында жарияланған ақпаратқа сәйкес, тәртіп сақшылары тәулік бойы Шерзаттың отбасы бақылауда болады.
"Келіп түскен арызға сәйкес, 4 қазанға қараған түні Талғар ауданында қаза тапқан кәмелетке толмаған баланың отбасы күзетпен қамтамасыз етілді. Отбасының тұрғылықты жері бойынша қауіпсіздікті қамтамасыз ету үшін полиция қызметкерлерінің тарабынан тәулік бойы кезекшілік ұйымдастырылды", - делінген полиция хабарламасында.
