Инклюзивті білім беру жалпы білім беру жүйесінің маңызды буындарының бірі болып сапалы білім берудің қолжетімділігін қамтамасыз етуге арналған. 2020-2025 жылдарға арналған «Инклюзивті білім беруді қолдаудың ресурстық кабинеттер желісін кеңейту» бағдарламасы аясында елімізде ерекше білім беру қажеттіліктері бар балаларға арналған кабинеттер ашылуда.
Инклюзияны қолдау кабинеттерінде педагог-психологтар, логопед-мұғалімдер, әлеуметтік педагогтар, педагог-ассистенттер ақпараттық және коммуникативтік кедергілерді жою, ерекше білім беру қажеттіліктері бар балаларды мектеп өміріне араласу үшін қолайлы жағдайлар жасау бойынша жұмыс істейді. Бұл әр оқушыға жеке көзқарасты қамтамасыз ететіні сөзсіз.
Мысалы, инклюзивті білім беруді қолдаудың кезекті кабинеті кеше Астрахан ауданы Астрахан ауылындағы №1 жалпы білім беретін мектепте ашылды.
«Біздің ауданда бұл үшінші кабинет. Мұнда логопед, дефектолог, психолог және әлеуметтік педагог 12 баламен жұмыс істейтін болады. Кабинет қажетті жабдықтар мен жиһаз бар. Балаларға жайлы болу үшін психофизикалық даму ерекшеліктерін және психологиялық-медициналық-педагогикалық консультацияның ұсынымдарын ескере отырып, кабинет ашық түстермен безендірілген», - деді Астрахан ауданының білім бөлімінің басшысы Полина Барахоева.
Облыста қазір осындай 66 кабинет жұмыс істейді, бұл барлық балалар үшін қолайлы жағдайлар мен тең мүмкіндіктер жасаудағы маңызды қадам болып табылады. 1100-ден артық баламен 200-ден астам педагог айналысады.
Естеріңізге сала кетейік, Конституция Күні қарсаңында 15 кабинет ашылды. Жыл соңына дейін тағы 20 ашылуы жоспарлануда.
Кабинеттердің ашылуына үкіметтік емес ұйымдар да тартылатынын атап өткіміз келеді, мысалы, «Қазақстан халқына», «Дара», «Бақ», «Болашақ» қоғамдық қорлары. Қазіргі уақытта 2026-2027 жылдарға арналған инклюзияны қолдау кабинеттерін ашу жоспары әзірленуде.
