4 тамыз күні Шығыс Қазақстанда 14 жастағы қыз өзенге құлап, көз жұмды, деп хабарлайды “Адырна” ұлттық порталы.
БАҚ таратқан ақпаратқа сәйкес, 20 адамнан тұратын топ өз бетінше жаяу серуендеген. Жүргіншілер Риддерден бес шақырым жерде Громотуха өзенінің сарқырамасында өзен арнасынан өтпек болған. Сол сәтте 14 жастағы қыз тасқа тайып, суға батқан. Қатты ағыс оны алып кеткен.
“Сағат 14:45-те №1 мамандандырылған өрт сөндіру бөліміне Громотуха өзені учаскесінде "Компания ЛК ГЭС" ЖШС су қоймасынан жоғары ағысқа қарай бір қызды су алып кеткені туралы хабарланды. Сағат 15:30-да оқиға орнына УАЗ құтқару көлігіндегі 10 адам және Риддер қалалық ІІБ-нің 5 қызметкерінен тұратын ЖСҚ-1 бөлімі жіберілді”, – деп хабарлады Риддер қалалық төтенше жағдайлар бөлімі.
Громотуха өзенінің жоғарғы ағысы бойындағы шатқал бойындағы "Компания ЛК ГЭС" ЖШС су қоймасында іздеу бірнеше сағатқа жалғасып, 18:03-те қыздың мәйіті су алатын жерден бес шақырым жерден табылған.
Оқиғаға байланысты Риддер қалалық төтенше жағдайлар бөлімінің қызметкерлері Шығыс Қазақстан тұрғындарына ескерту жасап, қауіпті аймаққа ересектердің баруына тыйым салынатынын мәлімдеді.
