Шығыс Қазақстан облысының екі тұрғыны Украинадағы Донецк облысында болған қарулы қақтығыс кезінде қаза тапты, деп хабарлайды "Адырна" ұлттық порталы «Устинка Live»-қа сілтеп.
Қауіпсіздік комитетінің мәліметінше, аталған азаматтар 2024 жылы Ресейге кеткен, кейін Украина аумағындағы қарулы қақтығысқа қатысқан. Соның нәтижесінде жарақат алып, Донецк облысында көз жұмған.
Сот-медициналық сараптама қорытындысына сәйкес, өлімге жарылыс пен снарядтың жарықшақтарынан болған ауыр қан кету себеп болған.
ҚР Қылмыстық кодексінің 172-бабы («Шетелдегі қарулы қақтығыстарға қатысу») бойынша қозғалған қылмыстық іс фигуранттардың қаза табуына байланысты тоқтатылды.
ҚР СІМ бұл ақпаратқа қатысты мәлімдеме жасамады.
