3 тамыз күні Ақтөбе облысында ер адам мен оның балалары суға кетіп, көз жұмды, деп хабарлайды "Адырна" ұлттық порталы.
Қайғылы оқиға Әйтеке би ауданы Т.Жүргенов ауылындағы Ырғыз өзенінде болған.
1985 жылы туған ер адам суға батып бара жатқан балаларын құтқармақ болған. Олар 2011, 2013, 2017 жылы туған балалар болыпты.
Көз жұмғандардың екеуі – өз баласы, біреуі туысы. Ақтөбе облыстық ТЖД ер адам мен балалардың түгел көз жұмғанын мәлімдеді.
"Суға шомылу кезінде балалардың қасында ата-анасы болған. Құтқарушылар, полиция қызметкерлері және жергілікті тұрғындар 4 адамның денесін судан алып шықты", — деп қосты өңірлік Төтенше жағдайлар департаменті.
