Қазақстандық оқушылар математикадан халықаралық «Copernicus» олимпиадасы на қатысып, жүлделі орындар иеленді, деп хабарлайды «Адырна» тілшісі.
Білім бәйгесі 14-18 шілде күндері Нью-Йорк қаласында өтті.
Олимпиадада әлемнің 24 елінен жиналған жас математиктер бақ сынады. Қазақстан құрама командасының атынан Жамбыл облысы, Дарынды ер балаларға арналған мамандандырылған «Білім-Инновация» лицей-интернатының 7-сынып оқушылары Мирдадаев Мирас, Төлебек Әлинұр, Тараз қаласы, Қ.Тұрысов атындағы №53 мектеп-гимназиясының 4-сынып оқушысы Қалабай Абылай және Қордай ауданы, Д.Қонаев атындағы орта мектебінің оқушысы Вундунлар Әмірхан қатысты.
Халықаралық олимпиада нәтижесінде оқушылар 2 күміс, 2 қола медальды иеленіп, жеңімпаз атанды.
