Қазақстан Ұлттық Олимпиада комитеті президентінің жалақысына қатысты ақпараттар әлеуметтік желіде тарап кетті, деп хабарлайды "Адырна" ұлттық порталы.
Олимпиада комитеті бұл ақпаратқа қатысты толық түсініктеме берді. Комитет мәліметінше, спортшы өз қызметін ерікті түрде атқарып жүр.
"Оның қызметіне ақша төленбейді. Оның мотивациясының қаражатқа да, саяси мансапқа да қатысы жоқ.
Өз қызметіне кіріскен бойда Геннадий Головкин ҰОК-тің мемлекеттік бюджет ақшасына үміттенбейтінін ашық айтқан. Ұйымның қызметі Г. Головкиннің қатысуымен тартылған демеушілер қаражаты есебінен жүзеге асуда. Жалған ақпарат таратушылар ҚР заңына сәйкес жауапқа тартылатынын, нақтылап айтар болсақ, ҚР ҚК 274 бабына сай қылмыстық жауапкершілікке тартылатынын естеріңізге саламыз", - делінген Ұлттық Олимпиада комитетінің хабарламасында.
