Қазақстан мұсылмандар діни басқармасы (ҚМДБ) әлеуметтік желілерде діни уағыз айтып, үгіт-насихат жүргізетіндерді тексеруді жоспарлап отыр. Басқарма өкілдерінің айтуынша, діни дәрістерді тек ресми ұстаздар мен имамдар жүргізуі керек, деп хабарлайды “Адырна” ұлттық порталы.
ҚМДБ баспасөз хатшысы Ағабек Қонарбайұлының мәлімдеуінше, діни сауат беру жауапкершілікті талап етеді, ал дұрыс емес ақпарат таратудың салдары ауыр болуы мүмкін.
Алайда әлеуметтік желіде діни білім берумен айналысатын кейбір блогерлер бұл бастамаға қарсы. Олардың пікірінше, онлайн дәрістер халыққа пайдалы, ал тыңдаушылары дұғалардың көмектескенін айтып, алғыстарын білдіруде.
ҚМДБ болашақта әлеуметтік желі арқылы діни білім тарататын азаматтарды бақылауға алып, тексеру жүргізбек.
