Бүгін, 24 маусым Кореяның Сеул қаласының оңтүстігіндегі Хвасон қаласындағы литий аккумулятор зауытында өрт болған. Салдарынан 22 адам, оның ішінде 20 шетелдік азамат қаза тапты. Бұл туралы Yonhap агенттігі мәлімдеді, деп хабарлайды “Адырна” ұлттық порталы.
Мәлімет бойынша, бір адам із-түзсіз жоғалғандықтан, қаза тапқандар саны артуы мүмкін.
Сағат 18:30-дағы жағдай бойынша 22 жұмысшы қаза тапқан, екеуі ауыр жарақат алды, тағы алтауы жеңіл жарақаттанған.
Қаза тапқан 20 шетелдіктің ішінде 18 Қытай азаматы, бір Лаос азаматы және тағы бір адамның азаматығы белгісіз.
"Сыртқы істер министрлігі зардап шеккендер мен олардың отбасыларына қолдау көрсету үшін Оңтүстік Кореядағы тиісті елдердің дипломатиялық өкілдіктерімен тығыз жұмыс істеуді жоспарлап отыр", - деді министрлік өкілі.
Өрт Сеулден оңтүстікке қарай 45 шақырым жерде, сағат 10:30 шамасында Хвасондағы литий батареяларын шығаратын Aricell компаниясының зауытында шыққан. Өртсөндірушілер негізгі өрт сағат 15:10 шамасында бақылауға алынғаннан кейін жоғалған адамды іздеу үшін ғимараттың ішіне кірген.
Қаза болғандардың барлығы №3 зауыт ғимаратының екінші қабатынан табылды.
