Бас мүфти үндеу жасады

928
Adyrna.kz Telegram
Сурет: muftyat.kz
Сурет: muftyat.kz

12 маусым күні Астанада Құрбан айт мерекесіне байланысты өткен баспасөз мәслихатында Бас мүфти Наурызбай қажы Тағанұлы кәсіпкерлерге үндеу жасады, деп хабарлайды «Адырна» тілшісі.

«Біз қашан да өзгелерге қайырымдылық жасап, айналамызға шуағымызды төгіп, үлкендердің алғысы мен батасын алып, өсіп-өнген елміз. Халқымызда «Қайырымдылық жасасаң – қайырын өзің көресің» деген нақыл сөз бар. Осы ретте еліміздегі барша кәсіпкер азаматтарды Құрбан айттың құрметіне мал құнын қолдан көтермей, халықтың әлеуметтік жағдайын ескеріп, оңтайлы баға ұсынуға, жұртымыз күнде тұтынатын азық-түлікке мүмкіндігінше жеңілдік жасауға шақырамын»,—деді ол.

Айта кетейік, бұған дейін Қазақстан мұсылмандары діни басқармасы биыл Құрбан айт мерекесінің бірінші күні 16 маусымға сәйкес келетінін мәлімдеген еді.

Пікірлер