Әлемге танымал болған Britain’s Got Talent шоуының кезекті маусымы Ұлыбританияда өтіп жатыр. Оған қазақстандық акробаттар Зарина Диғарбекова, Батыр Жанұзақ және Марлен Маратов қатысып, өнерімен таң қалдырды, деп хабарлайды “Адырна” ұлттық порталы.
Отандастарымыз қауіпті сахналық нөмір көрсетіп, шоуға жиналғандарды таң қалдырды.
Қазылар алқасының қорытындысы бойынша акробаттар шоудың келесі кезеңіне өтті.
Акробаттар Зарина, Батыр және Марлен Еуропа мен АҚШ-тың түрлі елдерінде шоу-бағдарламалар мен сахналарда өнер көрсетіп, еліміздің абыройын асқақтатып жүр.
Айта кетейік, «Britain's Got Talent» — бүкіл әлемге танымал шоу, оның авторы - әлемдегі ең танымал тележүргізушілердің бірі Саймон Коуэлл, ол да қазылар алқасында отыр.
Сонымен қатар, шоудың шарттары өте қарапайым, кез келген талантты өнеріңізді көрсетуіңіз керек. Дегенмен, төрешілерді таң қалдыратындай етіп орындау маңызды.
