Өзбекстан ОПЕК халықаралық даму қорымен 500 миллион долларлық келісімге қол қойды, деп хабарлайды "Адырна" ұлттық порталы.
Бұл туралы ОПЕК қорының ресми сайтында жарияланды.
ОПЕК қоры 2024-2029 жылдарға арналған серіктестік туралы келісімшарт аясында Өзбекстандағы мектепке дейінгі білім беру жобаларын қолдауға 20 миллион доллар көлемінде жаңа несие бөледі. Елде 200 мектепке дейінгі білім беру мекемесі құрылып жатыр, оларда 30 мыңға жуық бала тәрбиеленеді деп болжануда, Жобаны Ислам даму банкі мен жеке донорлар бірлесіп қаржыландырады.
Үкіметтің мақсаты – 2030 жылға қарай мектепке дейінгі біліммен жаппай қамтуға қол жеткізу.
Сондай-ақ, ОПЕК қорының делегациясы Самарқанд облысының Қушрабад ауданындағы сумен жабдықтау және канализация бойынша қор жобасының алаңына барады деп жоспарланған. 37 миллион долларлық жоба жергілікті су инфрақұрылымын салу және жаңарту арқылы шамамен 70 000 адамның денсаулығы мен өмір сүру сапасын жақсартуға көмектеседі.
