Алматы облысында әскерден келген сарбазды аспанға оқ атып қарсы алғандар ұсталды. Бұл туралы облыстық полиция департаменті айтты, деп хабарлайды «Адырна» тілшісі.
Оқиға 30 сәуірде Қарасай ауданындағы Көксай ауылында болған.
«Әлеуметтік желілерде жүргізілген мониторинг барысында Қарасай ауданының Көксай ауылында оқ атқан бұзақылық әрекет фактісі анықталды. Тәртіп сақшылары 21 және 23 жастағы екі жігітті ұстап, аудандық полиция басқармасына жеткізді. Қарулар тиісті сараптамаға жолданды»,—деп түсіндірді департамент.
Айта кетейік, атыс қаруын қолданған ер адамдарға бұзақылық фактісі бойынша қылмыстық іс қозғалды. Қазіргі таңда екі жас жігіт уақытша ұстау изоляторына қамалды. Тергеу жүргізіліп жатыр.
<
